Corpus Van Reenen-Mulder (CRM14): Oorkonde E109p38103

WJ . Syman die zale en_ Rolof ians soen scepene in aemstelredamme orconden en_ kennen dat voer ons quam vrederic claes soen en_ ghaf eenen vrien eyghendoem meynaert gh_ts soen van eenen twn gheleghen tvisschen den tvien graften streckende van jan adams soens twn oestwart tot den burchwalle toe die leyt op die nuwe grafte / tvisschen syman claes soens twn optie een zide en_ blomart reynaerts soens twn optie ander zide en_ ghelieder of vol en_ al betaelt den lesten penninc mitten eersten . voert soe ghelouede voer ons claes smit claes soen van dotichem desen twn voers_ te waren meyn_t voers_ jaer en_ dach als men erue en_ eyghen scoudich is te waren en_ alle oude brieue of te nemen jn orconde desen brieue beseghelt mit onsen seghelen Ghegheuen opten zeuenden dach der maent van meye jnt iaer ons he_n m + . ccc + . een en_ tachtich