Corpus Van Reenen-Mulder (CRM14): Oorkonde E109p38201

jof payment dat alse goet is - ghelts en_ sonder eenigherhande ofbrec te bitalen alle jaer dese h˚ere voers_ die een helfte tot heylighemisse en_ die ander helfte tot meye voert soe ghelieden Roemaer en_ heyne voers_ dat op die noertzide op desen erue sel bliuen een vri steghe doerghaens voer van + der straten tot opten burchwalle toe die een ouer den andren te ghaen des sel houden en_ verwaren heyne voers_ half die steghe voers_ voer van der straten totte Rapael toe . voert soe gheliiden si dat dat aft_~erue niet ghelden en sel tot den steghen daer dat voer~erue tote ghelden pleghet / en_ dat dat voer~erue niet ghelden en sel tot den steghen opten burchwalle / en_ dese steghe sel wiit wesen elf voete . voert soe ghelieden voer ons vrederic pont heynric ians soen en_ claes pieters soen dattet bi hoeren wille es dat dese voerwaerden voers_ aldus ghemaket siin Jn orconde desen brieue beseghelt mit onsen seghelen Ghegheuen des donresdaghes na sinte angnieten dach jnt jaer ons he_n . m + . ccc + . tvie en_ tachtich