Corpus Van Reenen-Mulder (CRM14): Oorkonde E109p38302

Wj . pouwels jans soen en_ claes zael jacops soen scepene in aemstelredamme orconden en_ kennen dat voer ons quam claes remmeken soen en_ Ghaf eenen vrien eyghendoem wedighe symans soen van eenen ouden vrancriicsch_ scilt jaerlixse Renten die Griete jan ? docht_ siin moeder staende hadde op heynric blomert martiins + soens huus en_ erue jn allen sciin alse die proper brief daer of jnhout en_ ghelieder of vol en_ al betaelt den lesten penninc mitten eersten / en_ hi ghaf him den properen brief over van + den Renten voers_ jn orconde desen brieue beseghelt mit onsen seghelen Ghegheuen opten andren dach der maent van aprille jnt jaer ons he_n . + m . + ccc + . drie en_ tachtich