Corpus Van Reenen-Mulder (CRM14): Oorkonde E109p38303

Wj ysebrant coster en_ jacop Ruussche claes soen scepene in aemstelredamme orconden en_ kennen dat voer ons quam zegheram oemtgins soen en_ gheliede dat hi gheh˚ert heeft jeghens piet_ jacops soen een stucke lants gheleghen jn + den wttersten nesse bi + der aemstel . achte Roden breet en_ tien Roden lanc van + der aemstel voers_ jn + te meten tvisschen heynric dircs soens erue op + die een zide en_ piet_ jacops soens erue op + die ander zide totten eeweliken pachte jaerlixse om ander haluen ouden vrancriicschen scilt goet van goude en_ zwaer van ghewichte jof payment dat also goet is vries ghelts en_ sonder eenigherhande of~brec / te bitalen alle jare dese Rente_ voers_ tot heylighemisse jn orconde desen brieue beseghelt / mit onsen seghelen Ghegheuen des dinghesdaghes na sinte bartelomee_ dach jnt jaer ons he_n . mccc + . drie en_ tachtich