Corpus Van Reenen-Mulder (CRM14): Oorkonde E109p38304

Wj . Roemaer aernts soen van + der anster en_ willam noert heynrics soen scepene in aemstelredamme orconden en_ kennen dat voer ons quamen heynric dircs soen die wachter en_ Claes jans soen en_ ghelieden dat si gheh˚ert hebben jeghens pieter jacops soen een stucke lants gheleghen jn + den wtersten nesse tiend + alue rode en_ drie voete breet op + die aemstel en_ streckende van + der aemstel te lande waert op zeuen roden lanc tot den eeweliken pachte jaerlixse om eenen ouden vrancriicschen sc_lt en_ een vierendeel van eenen vrancriicsche_ scilde goet van goude en_ zwaer van ghewichten jof payment dat also goet is vries ghelts en_ sonder eenigherhande ofbrec te bitalen alle jare dese h˚ere voers_ op alre heylighen dach jn orconde desen brieue beseghelt mit onsen seghelen Ghegheuen des woensdaghes na sinte andries dach jnt jaer ons he_n . + mccc drie en_ tachtich