Corpus Van Reenen-Mulder (CRM14): Oorkonde E109p38402

Wj Roemaer aernts soen van + der anster en_ ysebrant Coster scepene in aemstelredamme orconden en_ kennen dat voer ons quamen voppe florens soen van siins selues weghen en_ alse een monbaer van doden sinne dochter weghen / mit jacop doden soen hoeren oem wilke voppe en_ jacop voers_ dat hoer vier verndeel waren en_ ghelieden dat / si verh˚ert hebben albert dier een huus en_ erue gheleghen jn + die warmoes~strate tvisschen albert jans soens erue op + die een zide en_ jan godelofs soens erue op + die ander zide tot den naesten brande toe jaerlixse om viertien oude vrancriicsche scilde goet van goude en_ zwaer van ghewichten jof payment dat alse goet is en_ zeuen g_te en_ eenen haluen eenen ouden scilt gherekent voer viertich g_te vries ghelts en_ sonder eenigherhande of~brec te bitalen alle jare dese h˚ere voers_ die een helfte tot heylighemisse en_ die ander helfte tot meye en_ hier toe soe sel albert dier voers_ hebben eenen twnne gheleghen in haren Roemaers kampe dien sel hi bruken ? langhe alse dese h˚ere van + den huse en_ erue staet en_ voppe die ghaf him over eenen scepene~brief van + den twnne voers_ in allen sciin alse die proper brief inhout en_ voppe voers_ die sel betalen jaerlixse dien pacht die opten twn voers_ staet en_ waer dat dat huus voers_ jn die warmoes~strate of~bernde soe soude voppe voers_ sinen twn voers_ weder hebben en_ dien brief van + den twn jn orconde desen brieue beseghelt mit onsen seghelen Ghegheven opten twintichsten dach der maent aprille jnt jaer ons he_n . + mccc + . vier en_ tachtich