Corpus Van Reenen-Mulder (CRM14): Oorkonde E109p38403

Wj ysebrant coster en_ pieter jacobs zoen Scepene in Aemstelredamme orconden en_ kennen dat voer ons qua_ diric willem hoenmans zoen en_ gheliede dat hi ghepacht heeft tot enen eweliken pacht jeghens florans willems zoen jan kuusken en_ thaems vincken oudermans van sinte pieters ghilde een half erue daert theel erue of is tvintich voete breet gheleghen an + den ouden burchwal tusschen jan ruuschen erue op die zuut~zide en_ jan teten zoens erue op die noert~zide streckende van + den innersten kant van + den burchwal vijf roeden lanc alle jare om enen ouden vrancrijcschen scilt goet van goude en_ zuaer van ghewichte of ander payment also goet Te + betalen jaerlix desen voers_ pacht die een helfte te meye en_ die ander helfte te hilighemisse voert soe zel een ganc bliuen legghen op die noertzide van + den erue voers_ an jan teten zoens erue . zes voete breet en_ diric voers_ zel houden maken en_ verwaren die strate en_ burchwal voer sinen huse also breet als sijn erue is tot ewighen daghen op sinen cost . jn orconde desen brieue bezeghelt mit onsen seghelen Ghegheve_ des woensdaghes na sinte marcus dach ewangeliste jnt jaer ons he_n dusent drie hondert + . vier + . en_ tachtich