Corpus Van Reenen-Mulder (CRM14): Oorkonde E109p38503

Wj willem van legmaer adaems zoen en_ suruaes roelofs zoen Scepene in Aemstelredamme orconden en_ kenne_ dat voer ons quame_ die oudermans van sinte pieters ghilde alse diric morsiel jan kuusche pieter jacobs zoen en_ diric capsnider op die een zide en_ Gherit pael jacobs zoen op die ander zide / en_ gheloeueden en_ bleuen eens zegghens an + den gherechte van Aemstelredamme van den erue aft_ sinte pieters kercke daer dat gherechte voers_ een zegghen of gheseyt heeft in deser maniere en_ voerworde dat gherit pael hebben zel van + den afteren erue van + den burchwal inwaert . drie roeden . en_ sinte pieters ghilde daer an vijf roeden en_ waer dat after~erue voers_ langher of corter dat soude + men dey˚len op die achte roeden voers_ elc sijn paert . voert zel gherit pael maken den ghehelen burchwal alsoe breet alse dat erue mitter steghe daer gheleghen is en_ die steghe die zel elc maken van + de_ afteren erue . neffens sinen erue . jn orconde desen brieue bezeghelt mit onsen zeghelen Ghegheven op sinte margrieten auont jnt jaer ons he_n dusent . + drie hondert . + viue en_ tachtich