Corpus Van Reenen-Mulder (CRM14): Oorkonde E109p38601

Wj . . claes zael jacops soen en_ zurvaes rolofs soen scepene in aemstelredamme orconden en_ kennen dat voer ons quam jan ysebout en_ gheliede scoudich te wesen albert dier jans soen eenen ouden vrancriicschen scilt goet van goude en_ zwaer van ghewichten jof payment dat also goet is jaerlixse Renten / die wilke staen zullen tot den eeweliken pachte opten huse en_ erue gheleghen opten burchwalle van + der warmoes~strate tvisschen syman essen erue op + die een zide en_ gheertruut claes erue op die ander zide streckende van + den burchwalle tot willam smits en_ herman smits erue toe vries ghelts en_ sonder eenigherhande ofbrec / te bitalen alle jare dese Renten voers_ tot heylighemisse In orconde desen brieue beseghelt mit onsen seghelen Ghegheuen op onser v_wen dach annu_ciacio jnt jaer ons he_n . + mccc + . ses en_ tachtich .