Corpus Van Reenen-Mulder (CRM14): Oorkonde E109p38602

Wj meynaert die witte ians soen en_ willem hoeschen zoen Scepene in aemstelreda_ orconden en_ kennen dat voer ons quam jan die lemer . en_ gheliede dat hi ghepacht heeft toten eweliken pacht jeghens jacob ysebrants soen ene_ twn gheleghen in + den nesse tvisschen pieter corfs twn op die westziide en_ diric gherits zoens twn op die oestzide alle iare om vijftien ? . enen dordrechtsche_ gulden voer twe + en + dertichst + aluen grote gherekent Te betalen desen voers_ pacht iaerlix te meye . en_ jan die lemer zel hebben ene_ ouerganc in sinen twn voers_ ou_ iacob ysebrants zoens wech die voer dien twn gaet . jn orconde desen brieue bezeghelt mit onsen zeghelen Ghegheven opten twalofsten dach der maent van aprille . jnt jaer ons he_n dusent drie hondert . + zes . + en_ tachtich