Corpus Van Reenen-Mulder (CRM14): Oorkonde E109p38603

wj . Godeuaert jans zoen en_ Claes heynrics zoen Scepene in aemstelredamme orconden en_ kennen dat voer ons quam thaems harmans zoen van doeuendrecht en_ gheliede dat hi vercoft heeft jacob ghisetgiins zoen . achte made lands gheleghen in Claes pieterszoens zate te doeuendrecht . en_ thaems voers_ gaf jacob voerseyt van + den voerghenoemden lande ene_ vryen eyghendoem . en_ ghelieder of vol en_ al betaelt den lesten pe_ning mitten eersten en_ ghelouede hem dat lant te waren iaer en_ dach als men erue en_ eyghen scoudigh is te waren en_ alle oude brieuen of te nemen voert gheloueden thaems voers_ en_ tatic sijn broed_ jacob voers_ die achte made lants voers_ vry te houden en_ te waren van Crafts~dijc en_ van aelmes~goede . + jn orconde desen brieue bezeghelt mit onsen zeghelen Ghegheuen des dinxdaghes na sinte vrbaens dach jnt jaer ons he_n dusent drie hondert . + zes en_ tachtich .