Corpus Van Reenen-Mulder (CRM14): Oorkonde E109p38604

Wj . willam van legmaer adams soen en_ Godeuaert jans soen scepene in aemstelredam_ orconden en_ kennen . dat voer ons quam haer bartout heynrics soen mit gheriit Reynaers soen sinen monbaer daer hi mit Rechte aen~quam . en_ gheliede scoudich te wesen mit siins monbaers hant voers_ / dirc hollant / eenen ouden ? scilt goet van goude en_ zwaer van ghewichten . jaerlixse Renten / die wilke staen zullen totten eeweliken pachte opten huse en_ erue gheleghen _n sinte ? strate tvisschen Syman abbe jans soen erue / op die een zide en_ Jan vrancken soens erue op die ander zide / vryes ghelts en_ sonder eenighe~hande ofbrec / ? ? ? ? dese Renten voers_ die een helfte tot meye en_ die ander helfte tot ? voert soe ghelouede haer bartout voers_ / mit siins monbaers hant voers_ / dirc hollant voers_ / dat dit voersc_uen huus en_ erue / vry sel ? ? ? ? brieuen jof renten / die daer op staen moghen / wtgheset een achten~deel van ? vrancriicschen scilde jaerlixse Renten . + jn orconde desen brieue bezeghelt mit ? seghelen . Ghegheuen op sinte victoers auont . jnt jaer _ he_n mccc ? en_ tachtich