Corpus Van Reenen-Mulder (CRM14): Oorkonde E109p38606

Wj Goedeuaert Janszoen . Ende Claes heynrics zoen Scepene in Amstelredamme orconden en_ kennen dat voer ons quam . Albrecht ? heyntgijns zoen ende gheliede dat hi ghepacht heeft toten eweliken pacht ieghens symon symons zoen . Joest en_ diric . mathijs roeders twee kinder een ? achtien voete breet . gheleghen twisschen den erue . dat alijt scuts ghepacht heeft op die oest~zyde . Ende Albrecht hoesschen consen zoens erue op die westzyde . streckende after van den erue daer albrecht hoessche heyntgijns zoen voirscr_ nv ter tijt op woent tot diric heynrics zoens erue toe alle Jaer om enen ouden vrancrijcschen scilt . en_ om een achtendeel van enen ouden vrancrijcschen scilt goet van goude en_ zwaer van ghewichte of ander payment alsoe goet vryes ghelts en_ sonder enigherhande ofbrec . Te betalen Jaerlix desen voers_ pacht . die een helfte te meye en_ die ander helfte te heylichmisse . In orconde desen brieue beseghelt mit onsen seghelen . Ghegheuen des mane_daghes na alre + kinder dach jnt jaer ons he_n . + m ccc + . zes en_ tachtich