Corpus Van Reenen-Mulder (CRM14): Oorkonde E109p38607

Wj jan meynaerts zoen en_ diric hollant Scepene in aemstelredam_e orconden en_ kennen dat voer ons quam harman roelofs zoen en_ gheliede dat hi vercoft heeft Ghisebrecht pieters zoen . een huus en_ een erue gheleghen in die halle~steghe tvissche_ pele jacob zoens erue op die een zide . en_ jacob wouters zoens erue op die ander zide . en_ harma_ voers_ gaf daer of ghisebrecht voers_ ene_ vrien eyghendoem en_ gheliede daer of vol en_ al betaelt den lesten pe_ning mitten eerste_ en_ ghelouede he_ dat voers_ huus en_ erue iaer en_ dach te waren als + men erue en_ eyghen sculdich is te waren en_ alle oude brieue of te nemen . jn orconde desen brieue bezeghelt mit onsen zeghele_ Ghegheue_ des maendaghes na alre + kinder dach jnt jaer ons he_n dusent drie hondert zes en_ tachtich .