Corpus Van Reenen-Mulder (CRM14): Oorkonde E109p38704

Wj . jacob ruusche Claes zoen en_ florens willems zoen Scepene in aemstelredamme orconden en_ kennen dat voer ons quam pieter jacobs zoen en_ gheliede dat hi vercoft heeft vrederic gherit telschen zoen die helfte van ene_ stucke lants gheleghen in den wttersten nesse tiend + alue roede en_ drie voete breet op die aemstel en_ streckende van + der aemstel te lande waert op seuen roeden lanc . en_ pieter voers_ gaf vrederic voers_ van + den voerghenoemden lande enen vryen eyghendoem en_ ghelieder of vol en_ al + betaelt den lesten pe_ning mitten eersten en_ ghelouede hem dat te waren iaer en_ dach als + men erue en_ eyghe_ scoudich is te waren en_ alle oude brieue of te nemen . jn orconde desen brieue bezeghelt mit onsen zeghelen . Ghegheuen opten eersten dach van aprille jnt jaer ons he_n dusent drie hondert + . zeue_ en_ tachtich