Corpus Van Reenen-Mulder (CRM14): Oorkonde E109p38705

Wj . luutgin alberts soen en_ Claes die wale jans soen scepene in aemstelredamme orconden en_ kennen . dat voer ons quam . Willam van legmer goderts soen en_ gheliede dat hi gheh˚ert heeft jeghens heynric dircs soen / een erue gheleghen jn heynric dircs soens viuerkamp tvie roeden breet en_ vier roeden lanc van + der nyer Grafte jn + te meten tvisschen hille wigghers erue op + die een zide / en_ heynric dircs soens erue op die ander zide / en_ daer toe sel willam voers_ hebben half den sloet die leyt an hillen erue voers_ vier roeden lanc / totten eeweliken pachte jaerlixse / om neghen g_te / an coemans~ghelde vries ghelts en_ sonder eenigherhande ofbrec te + bitalen alle jare / dese Renten voers_ tot meye . jn orconde desen brieue beseghelt , mit onsen seghelen . Ghegheuen des vridaghes na sinte bauen dach jnt jaer ons he_n . + mccc + . zeuen en_ tachtich