Corpus Van Reenen-Mulder (CRM14): Oorkonde E109p38706

Wj . andries doghede en_ Claes die wael jans zoen Scepene in aemstelredamme orconden en_ kennen dat voer ons quam aernt buerse gh_ts zoen en_ gheliede dat hi verpacht heeft jan dier willams zoen een huus en_ een erue gheleghe_ after die kercke ouer die oude grafte twisschen jan adaems zoens erue op die een zide en_ gherit paels erue op die ander zide also breet en_ also lanc als gherit paels erue is of bruning croecs erue die daer bi legghe_ alle jare om viif . oude vrancrijcsche scilde goet van goude en_ zwaer van ghewichte of ander payment also goet vry˚es ghelts en_ sonder enigherhande ofbrec Te + betalen jaerlix desen voers_ pacht die een helfte te meye en_ die ander helfte te hey˚lighemisse . jn orconde desen brieue bezeghelt mit onsen zeghelen Ghegheuen des vridaghes na sinte willebroets dach jnt jaer ons he_n dusent drie hondert zeuen en_ tachtich .