Corpus Van Reenen-Mulder (CRM14): Oorkonde E109p38801

Wj andries doghede en_ Claes die wale jans zoen Scepene in aemstelredamme orconden en_ kennen dat voer ons quam Gherit jacob backers zoen en_ gheliede dat hi vercoft heeft alijt die dirc vrancken zoens wijf was . die vijf + dele . van zeuend + aluen ouden vrancrijcschen scilt jaerlixe rente_ die hi staende heeft toten naesten brande opten huse en_ erue duergaens daer jan kuuske an die strate in woent dat gherit voers_ verhuert heeft jan steffen roelofs zoen daer hi ene_ scepene~brief of heeft dien hi aliden voers_ ouer~ghegheuen heeft en_ gherit voers_ gheliede daer of vol en_ al + betaelt den lesten pe_ning mitten eersten . voert gheliede gherit voers_ waer dat zake dat dit voers_ erue vter huere quame ouer~midts ongheual van brande dat alijt voers_ hebben soude dan die vijf + dele van + den erue voers_ duergaens tot horen vryen eyghen jn orconde desen brieue bezeghelt mit onsen zeghelen Ghegheuen des donresdaghes na sinte pouwels dach jnt jaer ons he_n . mccc + . Acht en_ tachtich