Corpus Van Reenen-Mulder (CRM14): Oorkonde E109p38802

Wj jacob coppen zoen en_ florens willems zoen / Scepene in aemstelredamme orconden en_ kennen dat voer ons quam jan claes soen en_ ghelyede dat hi gheh˚ert heeft van robbetgin gherijt roden soen / ten ewelicken pacht ene hofstede die gheleghen is op den / arm / van zestien voeten breet / daer robbetgin voers_ op beyden zijden naste gheleghen is en_ met z˚lker langhe alse hijt daer heeft tot deser tijt / elkes jaers om twee vrancricsche scilde / min een q˚ertier van enen vrancricschen scilt goet van goude en_ zwaer van ghewichten jof payment dat also goet js te betalen dese jaerlicsche reynten voers_ die ene helfte tot heylighen misse en_ die ander helfte tot meye vryes gheldes en_ zonder enegherhande ofbrec / voert so zel jan claes soen voers_ die steghe mede br˚ken wt en_ in te gaen tot sinen er˚e voers_ die bj sinen h˚se leyt jn orconde desen brieve bezeghelt met onsen zeghelen Gheghe˚en des dinxsdaghes na sente peter en_ sente po˚wels daghe jnt jaer ons her_ / / / acht en_ tactich