Corpus Van Reenen-Mulder (CRM14): Oorkonde E109p38901

Wj . florens willams soen / jan jans soen en_ suman jans soen scepene in aemstelredamme orconden en_ kennen / dat wi daer ouer en_ ane waren alse scepene / doe + men wouter egberts soe_ daer God die ziele of hebben moet / sinen doden lichame te kerken dragen soude / dat doe al + moeder~naket / voer die bare wtghinghen / Griete / die wouters wiif was voers_ en_ adaem en_ claes / wouters tvie kiinder voers_ / wilke Griete adaem en_ claes voers_ / doe quiit scouden / mit jan egberts soen hoeren monbaer / bi goet~doncken der Raede van + der stede / alle die erfnisse en_ goet / dat wouter voers_ after him ghelaten heeft . jn orconde desen brieue beseghelt / mit onsen seghelen Ghegheuen des vridaghes / na sinte agnieten dach . jnt jaer ons he_n . mccc + . neghen en_ tachtich