Corpus Van Reenen-Mulder (CRM14): Oorkonde E109p38904

Wj . luutgin alberts soen en_ dirc zael jacops soen scepene in aemstelredamme / orconden en_ kennen dat voer ons quam . bruninc croec en_ Ghaf eenen vrien eyghendoem . Jan dier will_s soen / van + den huse en_ erue gheleghen jn die kercstrate / dat Jan dier voers_ nv ter tiit bewoent / tvisschen willam zale Jacobs soens erue / op + die een zide en_ Jan noerts erue op + die ander zide . streckende van + der straten / tot den ye toe / en_ ghelieder of vol en_ al betaelt den lesten penninc mitten eersten . voert soe ghelouede / bruninc voers_ Jan dier voers_ dit huus en_ erue voers_ / te waren jaer en_ dach alse men erue en_ eyghen scoudich is te waren en_ alle oude brieue of + te nemen . jn orconde desen brieue beseghelt / mit onsen seghelen Ghegheuen opten sestienden dach der maent van zulle . jnt jaer ons he_n . mccc + . neghe_ _ tachtich