Corpus Van Reenen-Mulder (CRM14): Oorkonde E109p38908

Wj . dirc zale iacobs zoen en_ iacob ghisebrechts zoen Scepene in Aemstelredam_e orconde_ en_ kennen dat voer ons quam heyne gherit bollaerts zoen en_ gheliede dat hi v_coft heeft . jan willem heynen zoens zoen . ene_ morghen lants gheleghen te dyemen in willem snabben zate en_ heyne voers_ gheliede daer of vol en_ al betaelt den lesten penning mitten eersten en_ heyne voors_ louede jan voers_ den morghen lants voerseyt iaer en_ dach te waren als men erue en_ eyghen scoudich . is te waren en_ alle oude brieue of te nemen . In orconde desen brieue bezeghelt mit onsen zeghele_ Ghegheue_ op sinte katerinen auont jnt jaer ons he_n mccc neghen ende tachtich