Corpus Van Reenen-Mulder (CRM14): Oorkonde E109p39002

Wj . pieter holl_s en_ jacop ghisebr_ soen scepene in amestelredamme orconden en_ kennen dat v˚er ons quam jan dier wille_ blocs soen en_ gheliede scoudich te wesen hubr_ claes soen . vier gouden dordrechtse scilde jaerlixe renten die staen zullen tot eenen eeweliken pachte opten huse en_ erue daer Jan dier nv ter tiit in woent en_ gheleghen js tvisschen coeman willems erue op die een zide en_ jan noerts erue op die ander zide te bitalen alle jaere die een helfte tot meye en_ die ander helfte tot heyleghemisse . voert gheloefden jan dier en_ willem vrancken soen mit ghesamender + hant huberde vuerscreue_ dat dit huus ende erue v˚erghenoemt vry is sonder die ses dordrechtsche scilde die ? heynen soen daer tsiaers op heeft . en_ jan dier ghelo˚efde willem vrancken soen voert scaedeloos te houden jn orconde desen brieue beseghelt mit onsen seghelen ghegheuen des saterdaechs na sinte agnieten dach jnt jaer ons he_n . mccc + . en_ tneghentich