Corpus Van Reenen-Mulder (CRM14): Oorkonde E109p39003

Wj . willem reyners soen en_ willem willems soen scepene in amestelredamme orconden en_ kennen dat v˚er ons quam Jan Ja~cops soen die draeyer en_ gheliede scoudich te wesen Jan matthiis soen . tvie gouden dordrechtsche scilde die men nv ter tiit tot dordrecht maect of ander payment dat alsoe goet js jaerlixe renten die staen zullen tot eenen eeweliken pachte op + te_ huse en_ opten erue dat gheleghen js tvisschen bruninc croecs erue op + die een zide en_ walich creyts erue dat hi jeghens der stede v˚ers_ ghepacht heeft op die ander zide te bitalen alle jaere die een helfte tot heylighe misse en_ die ander helfte tot meye vriis ghelts en_ sonder eenigherhande ofbrec In orconde desen brieue beseghelt mit onsen seghelen ghegheue_ des vridaechs opten achtenden dach van aprille jnt jaer ons he_n . + m ccc + . en_ tneghentich .