Corpus Van Reenen-Mulder (CRM14): Oorkonde E109p39004

Wj . heynric van muden en_ willam reyners soen scepene in Aemstelredamme orconden en_ kennen dat voer ons quamen . die ouermans van sinte pieters ghilde / alse Jan meynsen soen / Jan ? thaems vincke en_ Jan egberts soen en_ ghelieden dat si gheh˚ert hebben tottes ghilden behoef voers_ jeghens claes pieter kibben soen en_ luduwen siinre zuster mit pieter kibben hoeren vader hoeren monbaer die husinghe en_ erue gheleghen jn gansoerde / tvisschen sinte pieters erue op + die / een zide en_ Jan kuusschen erue op + die ander zide streckende van + der straten totter graften toe / totten eweliken pachte . Jaerlixse om . dertien dordrechtsche scilde / alse men nv ter tiit tot dordrecht slaet goet van goude en_ zwaer van ghewichten . Jof payment dat also goed is . vries ghelts en_ sonder enigherhande ofbrec . wtgheset des hee_n tynse / te bitalen alle jare dese h˚ere voors_ die een helfte tot heylighemisse en_ die ander helfte tot meye . voert soe ghelieden claes pieter kibben soen voers_ en_ luduwe siin zuster mit pieter kibben hoeren vader hoeren monbaer voers_ dat luduwen voers_ / - / van desen voersc_uen pachte van hoeren deel van + der husinghe en_ erue voers_ viif dordrechtsche scilde jaerlixe totten eweliken pachte voert soe ghelieden claes pieter kibben soen voers_ luduwe . siin zuster mit pieter kibben hoeren vader hoeren monbaer voers_ alse claes pieter kibben soen voers_ steruet / dat dan / dat ghilde voers_ enen dordrechtschen scilt jaerlixe renten van desen pachte of~corten zullen en_ behouden en_ alse luduwe_ voers_ steruet soe sel . dat ghilde voers_ oec enen dordrechtschen scilt jaerlixe renten van desen pachte voers_ / of~corten en_ behouden en_ alse griete claes dochter voers_ steruet soe sel dat ghilde voers_ tvie dordrechtsche scilde jaerlixer renten van desen pachte ofcorten en_ behouden en_ soe en sel dit ghilde voers_ na hoerre dryer doot voers_ niet meer pachts wtgheuen van der husinghe en_ erue voers_ dan neghen dordrechtse scilde des jaers totten eweliken pachte vries ghelts . In orconde desen brieue beseghelt / mit onsen seghelen . Ghegheuen opten vier en_ tvintichsten dach der maent van aprille jnt jaer ons he_n . + m ccc + . en_ tneghentich