Corpus Van Reenen-Mulder (CRM14): Oorkonde E109p39005

Wj . Gherit vrederic enghels zoen en_ willem reyners zoen Scepene in aemstelredam_e orconden en_ kenne_ dat voer ons quam Gherit pael iacobs zoen en_ gheliede dat hi scoudich is Gherit pael heynen zoen . enen dordrechtschen gouden scilt . of ander payment dat also goet is iaerlixe renten . staende toten eweliken pacht op gherit pael iacob zoens erue en_ huus dat hi legghende heeft an + den burchwal after sinte pieters kercke te betalen alle iare die een helfte te heylighemisse en_ die ander helfte te meye jn orconde desen brieue bezeghelt mit onsen zeghelen Ghegheue_ des donresdaghes na sinte pancraes dach jnt jaer ons he_n mccc en_ tneghentich .