Corpus Van Reenen-Mulder (CRM14): Oorkonde E109p39006

Wj Gherit vrederic enghels zoen en_ Godeuaert jans zoen Scepene in Aemstelredamme orconden en_ kennen dat voer ons quam Gherit van wermer en_ gheliede dat hi scoudich is Gherit Claes zoen van harderwijc . achte oude vrancrijcsche scilde goet van goude en_ zwaer van ghewichte of ander payment dat also goet is jaerlixe renten staende toten eweliken pacht op een huse en_ erue gheleghen alrenaest gherit van wermers steen huse op die noert~zide en_ meyster nyclaes ludegrims en_ vrancke dircs zoens erue op die zuut~zide te betalen alle iare dese voers_ renten te heylighemisse . jn orconde desen brieue bezeghelt mit onsen zeghelen Ghegheue_ des woensdaghes na sinte martiins dach jn + den winter jnt jaer ons he_n mccc + . en_ tneghentich .