Corpus Van Reenen-Mulder (CRM14): Oorkonde E109p39101

Wj . pieter abbe en_ ewiin robberts soen scepene in aemstelredamme orconden en_ kennen dat voer ons quam . luman jans soen en_ Ghaf eenen vrien eyghendoem . Reyner gheriits soen . van + de_ erue . dat gheleghen js . after an Reyners erue voers_ opten arme op + die kerczide . tvie en_ tvintich voete breet . streckende die langhe van jacop wt der stoven erue . tot der steghe toe . die gheleghen js tenden Reyners erue voers_ mit sinen vryen wtghanc van beyden eruen voers_ op der steghe voers_ . en_ ghelieder of vol en_ al betaelt den lesten penninc mitten eersten . voert soe ghelouede luman jans soen voers_ Reyner voers_ . dit voers_ erue . jn allen sciin alse voers_ js . te waren jaer en_ dach alse men erue en_ eyghen scoudich is . te waren en_ alle oude brieue of te nemen . voert soe gheliede Reyner voers_ dat alijt dirc vrancken soens siin zuster en_ hoer kiinder . dit voersc_uen erue mede toebehoert gheliken dat him ant voer~erue an den arme voers_ mede toebehoert . jn orconde desen brieue beseghelt . mit onsen seghelen . Ghegheuen opten achtienden dach der maent van meye jnt jaer ons he_n . mccc + . een en_ tneghentich