Corpus Van Reenen-Mulder (CRM14): Oorkonde E109p39102

Wj willem noert willems zoen en_ pieter abbe Scepene in aemstelredamme orconden en_ kennen dat voer ons quam jan dier willem blocs zoe_ en_ gheliede scoudich te wesen aernt sinen broeder . twe gouden pieters of ander payment dat also goet is iaerlixe renten staende toten eweliken pacht op sijn huus en_ erue gheleghen in die kercstrate twisschen willem zalen erue op die een zide en_ ymme jan noerts erue en_ hore kindere op die ander zide te betalen alle iaere dese voers_ renten . te meye . jn orconde desen brieue bezeghelt mit onsen zeghelen Ghegheuen op sinte pieter en_ sinte pouwels auont jnt jaer ons he_n mccc + . een en_ tneghentich .