Corpus Van Reenen-Mulder (CRM14): Oorkonde E109p39203

Wie Ricout ians zoen en_ heyn noert . scepene in aemstelredamme . orconden en_ kennen . dat voer ons quam . pieter iacops zoen . . en_ gheliede dat hi verhuurt heeft heyntgijn brunincs zoen . eenen tvune gheleghen in + den wttersten nesse bi der zweste_n hof . twisken den tvune die ian claes zoen ghepacht heeft . op die een zide . en_ den tvune die dirc pieters zoen ghepacht heeft . op die ander zide . vier roeden breet . en_ vijf roeden lanc . behaluen den vaersloet en_ den wech die voer den voerscr_ tvun leyt . totten eeweliken pachte . Jaerlixe om vijftien groete . eenen goeden ouden vrancrijcschen scilt gherekent voer viertich groet . Jof ander payment dat alsoe goet is . vries ghelts en_ zonder eenigherhande of~brec . te betalen alle iare dese voerscr_ huure opten meye~dach . Voert zoe zel heyntgijn voers_ den wech en_ den sloet . die voer den voerscr_ tvune leyt . houden en_ maken ghelike zinen bueren . alse~dat een yghelic die in pieter iacops zoens lande bruucweer heeft . den voerzeyden wech en_ sloet langhes oerbae_n . gaen . en_ varen mach mit eenre gheladenre scute . Voert zoe gheliede pieter voerscr_ . dat heyntgijn voers_ zel hebben eenen vrien ouerganc van + der zweste_n brugghe die ouer die nuwe grafte leyt . zuutwaert den wech langhes te gaen en_ te bruken . die twisken der nuwer graften leyt . en_ der zweste_n hof . totten tvune toe voers_ . Voert zoe gheloefde pieter voers_ dattie sloet die in + der nuwer grafte gaet . en_ gheleghen is twisken baernt die stilgancmakers lande op die een zide . en_ der zweste_n wech . op die ander zide . open zel bliuen . eenen ygheliken zijn not daer duer te voeren . En_ voert zoe zel heyntgijn voers_ helpen houden en_ maken der zweste_n brugghe die ouer die nuwe grafte leyt . alsoe verre alse hi daer toe vermaent wart . ghelike zinen bueren die in + den zeluen lande gheleghen zijn . In orconde desen brieue bezeghelt mit onsen zeghelen . ghegheuen opten zeuen en_ twintichsten dach der maent van junio . jnt iaer ons hee_n . dusent + . drie + hondert + . tvie en_ tneghentich