Corpus Van Reenen-Mulder (CRM14): Oorkonde E109p39204

Wi Ricout ians zoen en_ ian alberts zoen . scepene in aemstelredamme . orconden en_ kennen . dat voer ons quamen . Claes . jan . en_ Willam . jacop truden zoens drie kinder . en_ ghauen eenen vryen eyghendoem . meynert den Witten ians zoen . van alzulke renten alse iacop truden zoen hoer vader staende heeft opten erue dat ian Weyntgijns zoen bezeten heeft en_ daer zijn huus op staet . dat gheleghen js in sinte gheerden strate In allen schijn alse die pacht~brief die iacop truden zoen voers_ op ian Weyntgijns zoen voerscr_ sprekende heeft daer of inhout . Welken pacht~brief . claes . jan . en_ Willam voerghenoemt op~droeghen en_ ouer~ghauen meynert voers_ . Ende ghelieden daer of voldaen en_ betaelt den lesten penninc mitten eersten . Voert zoe gheloefden . claes . ian . en_ willam voers_ . Meynert den Witten voerscr_ dese voerghenoemde renten . ? te waren iaer ? dach . alse men erue en_ eyghen scoudich is te waren . en_ alle oude brieue of te nemen In orconde desen brieue bezeghelt mit onsen zeghelen . ghegheuen opten neghenden van der maent van Julio . Jnt iaer ons hee_n . dusent + . drie + hondert + . tvie en_ tneghentich .