Corpus Van Reenen-Mulder (CRM14): Oorkonde E109p39301

Wij . jacop vanden + barghe en_ dirc claes zoen . scepene in aemstelredamme . orconden en_ kennen . dat voir ons quam . heynric otten zoen . en_ gheliede dat hi ghehu˚rt heeft jeghens jacop ians zoen van nyeueen die helfte van + den huuze en_ erue gheleghen op die burchwalle optie kerczide . twisken meyster willam willams zoens erue optie een zide en_ aernt b˚ersen erfnamen erue optie ander zide . streckende van + der ouder grafte tot pieter dirx zoens erue toe Totten eweliken pachte . jairlixe om enen g˚eden gouden hollansen scilt . en_ enen hollansen groeten . alze men nu~ter~tijt slaet . jofte payment dat alzo g˚et is . vries ghelts en_ zonder enigherhande of~brec . Te betalen alle iare deze voirsc_uen h˚ure . tot sinte jacops dach in + den zomer . jn orconde dezen brieue bezeghelt mit onzen zeghelen . ghegheuen drie en_ twintich dage jn September . jnt jair ons he_n . duzent + . drie + hondert + . drie en_ tneghentich . .