Corpus Van Reenen-Mulder (CRM14): Oorkonde E109p39302

Wij . jacop van + den barghe en_ jan allerts zoen . scepene in aemstelredamme . orconden en_ kennen . dat voir ons quamen . willam ghisebrechts zoen en_ lizebette dirc hannetgijns zoens dochter zijn wijf . ende ghauen enen vrien eyghendoem mit ghezamender hant . Der oerden van + den Canonissen gheleghen binnen der vrihede van aemstelredamme . van den derdendeel van + der huuzinghe en_ erue gheleghen in die Kercstrate twisken claes die messemakers erue optie een zide en_ meyster claes gherijt luutgijns zoens . vrancken dirx zoens en_ heynric vlamincs erue optie ander zide . streckende van + der haluer strate totter grafte toe Voirt zo ghauen zi enen vrien eyghendoem Der oerden voirscr_ . van + den derdendeel van + den huuze gheleghen vpten middeldamme . dair heyn noert nu~ter~tijt in woent . twisken dirc morsiels erue optie een zide en_ ghize gherijts zoens erue optie ander zide . Ende voirt zo ghauen zi enen vrien eyghendoem . der oerden voirnoemt . van + den derdendeel van + den huuze en_ erue gheleghen in gansoerde twisken groete E˚erts erue optie een zide . en_ jan van der meeren erue optie ander zide . In allen schijn en_ pachte als zi alle deze voirscr_ huuzinghe en_ eruen dair hebben . Ende dit voirzeyde g˚et hebben zi der oerden voers_ ghegheuen . voir zulke loefnisse als willam voirscr_ . Der oerden voirs_ jn Scepene~brieue gheloeft hadde . R˚erende van aliden zijnre dochter . wes ziele god ghenadich zi . jn orconde dezen brieue bezeghelt mit onzen zeghelen . ghegheuen vp sinte symons en_ juden auont . jnt jair ons he_n . duzent + . drie + hondert + . drie ende tneghentich . .