Corpus Van Reenen-Mulder (CRM14): Oorkonde E109p39303

Wij . Andries d˚eghede . Jacop coppen zoen . heynric van muden en_ Jan die langhe . Beraders van der Stede van aemstelredamme . Doen cont allen luden . dat wij ghegheuen hebben en_ gheuen mit dezen opene brieue van der stede weghen voirs_ Godeuert willems zoen . enen vrien eyghendoem . van enen erue ander + halue roede breet gheleghe_ vptie kerczide vptie landzide . twisken bruninc croecs erue dat hi ghepacht heeft vptie een zide . en_ gherijt van wermers erue vptie ander zide . after der stede erue dat verpacht is . streckende die langhe van der stede erue voirs_ Dat is te verstaen vp twie roeden na den weste_n cant van + den huuze dat mit teghelen ghedect is ende dirc heermans zwagher dede tymmeren en_ van~dane voirt zestien voeten buten godeuert willems zoens poorthuuze vpt oesteynde . en_ an twesteynde raerechtuut @ te gaen en_ dat oesteynde te gaen na den loep van der stede b˚rchwalle an beyden tziden . Ende die b˚rchwalle zal zestien voeten wijt bliuen . ende dien zal hi houden en_ straten gheliken zinen b˚eren tot ewighen daghen . In orconde dezen brieue bezeghelt mit onzer Stede zeghel . ghegheuen vp den zeuen en_ twintichsten dach Jn december . Jnt Jair ons he_n . Duzent + . drie + hondert + . drie ende Tneghentich . .