Corpus Van Reenen-Mulder (CRM14): Oorkonde E109p39403

Wij . Coppe louwe en_ heynric hoec dirx zoen scepene in aemstelredamme . oirconden en_ kennen . dat voir ons qua_ . Jacop vrederix zoen . en_ gaf enen vrien eyghendoem Claes b˚enen . van enen tvune gheleghen buten an den zeeb˚rch vp die kerczide . twisken Jan ians zoens tvune an die ene zide en_ ghizebr_ hermans zoens tvune vp die ander zide In allen sciin ghelijc hi en dair eertijts heeft verpacht en_ die pachtbrief inhoudt en_ begrijt Ende ghelieder of voldaen en_ betaelt den lesten penninc mit den eersten . Voirt zo ghelouede jacob voirnoemt . Den voirzeyden claes . dezen voirscr_ tvune In + der manieren ghelijc hi verpacht is en_ voirscr_ staet . vri te waren Jair en_ dach alze + men erue en_ eyghen scoudich is te waren en_ alle oude brieue of te nemen . In oirconde dezen brieue bezeghelt mit onzen zeghelen . ghegheuen vp + den zesten dach van Junio . Int iair ons he_n . mccc + . vier en_ tneghentich , + .