Corpus Van Reenen-Mulder (CRM14): Oorkonde E109p39404

Wij . gherijt vrederic enghels zoen en_ Ian ians zoen scepene in amestelredamme oirconden en_ kennen . dat voir ons quame_ . Jan Tyman cupers zoen en_ Jan die wale Jan ponts zoen en_ gauen enen vrien eyghendoem albert ghijstgijns zoen . van die twiedeele van + den twien huzen en_ eruen gheleghen in ganzoerde . twisken der voghelenzanc aen die ene zide en_ berwouts kinder erue vp die ander zide . streckende van + der haluer strate tot ane van + der zipe erue toe . In allen scijn ghelijc ze willem pieters zoen eertijts dair verpacht heeft en_ die pachtbrief dair of begrijpt en_ inhoudt . van wilken pachtbrieue zi hem vp~droeghen en_ ouergauen elx zijn aendeel dair of . Ende zi gheliede_ dair of voldaen en_ betaelt den lesten penninc mit den eersten . Voirt zo gheloueden zi . den voirzeyden albert . Deze twiedeele van + den voirscr_ twien huzen en_ eruen In + der manieren als ze verpacht zijn en_ voirscr_ staet . vri te waren Jair en_ dach alze men erue en_ eyghen scoudich is te waren en_ alle oude brieue of te nemen In oirconde dezen brieue bezegelt mit onzen zeghelen . ghegheuen vp den zesten dach van october Int iare ons he_n . duzent + . drie + hondert + . vier en_ tneghentich , + .