Corpus Van Reenen-Mulder (CRM14): Oorkonde E109p39405

Wij . godeuert ians zoen en_ claes moeyert scepene in amestelredamme oirconden en_ kennen . dat voir ons quam . gherijt claes zoen van harderwijc en_ gaf enen vrien eyghendoem . meynert den witten claes zoen . van + der helfte van achte oude vrancrixe scilden jairlixer renten Staende tot den ewelike_ pachte vp den huze en_ erue gheleghen in die kercstrate twisken gherijt van wermers steenhuze en_ erue aen die ene zide . en_ meyster nyclaes gherijt luutgijns zoens en_ vranke_ dirx zoens erue vp die ander zide . In allen schine ghelijc die proper pachtbrief dair of inhoudt en_ heeft begrepen . Van wilken brieue hi meynert den witten voirscr_ die helfte vp~droech en_ ouergaf . Ende ghelieder of voldaen en_ betaelt den lesten penninc mit den eersten . Voirt zo ghelouede hi hem . deze helfte van + den voirscr_ achte oude vrancrixe scilden Iairlixer renten . vri te waren Jair en_ dach alze men erue en_ eyghen scoudich is te waren en_ alle oude brieue of te nemen . In oirconde dezen brieue bezeghelt mit onzen zeghelen . ghegheuen vp den viue en_ twintichsten dach van nouember . Int iare ons he_n . duzent + . drie + hondert + . vier ende Tneghentich , + .