Corpus Van Reenen-Mulder (CRM14): Oorkonde E109p39502

Wij . Iacob ghizebrechts zoen en_ meynert symons zoen . scepene in amestelredamme oirconden en_ kennen . dat koc garbrantszoen . lambert zijn broeder en_ Ian pieters zoen hoir zwagher . gauen voir ons enen vrien eyghendoem . baernt claes zoen . van enen tv˚ne gheleghen ouer die nye grafte bi der zuste_n houe . Dair hille die wiggher gherijts zoens wijf was en_ hoir kind_e mit enen tv˚ne bi gheerft zijn aen die ene zide . en_ heynric bruninx zoen mit enen tv˚ne vp die ander zide . Streckende van baernt claes zoens tv˚ne tot heynric dirx zoens lande toe . Ende ghelieden dair of voldaen en_ betailt den lesten penninc mit den eersten . Voirt zo gheloueden zij . den voirs_ baernt . Dezen voirscr_ tv˚ne vri te waren Iaer en_ dach alze men erue en_ eyghen scoudich is te waren . en_ alle oude brieue of te nemen . In oirconde dezen brieue bezeghelt mit onzen zeghelen . ghegheuen vp den twaloften dach In februario . Int iare ons he_n . duzent + . drie + hondert + . viue en_ tneghentich , + .