Corpus Van Reenen-Mulder (CRM14): Oorkonde E109p39505

Wij Iacob adams zoen en_ meynert symons zoen Scepene In amestelredamme oirconden en_ kenne_ . dat voir ons quam pieter iacobs zoen . en_ gheliede dat hi verh˚yrt heeft gherijt cramer . enen tv˚ne ghelegen In + den nesse twisken vrederic vrederix zoens tv˚ne an die ene zide en_ gherijt cramers tv˚ne vp die ander zide . achte en_ twintich voete_ breet . Streckende van + den haluen tv˚nwech . tot an aernt dirx zoens lijnbane . Tot den eweliken pachte Iairlixe om tvierendeel van enen hollansen gwilhelmus scilt . nu lest tot dordr_ gheslegen . Iofte payment dat also g˚et is vries ghelts zonder enich of~brec . Te betalene alle iare deze voirscr_ h˚yre tot heylighe misse In dezer manieren en_ voirwairde dat gherijt cramer . zal houde_ en_ maken zinen wech neffens den voirscr_ tv˚ne dat men dien gaen mach en_ zinen sloete bi den wech voirscr_ gheleghen alzo rume houden / dat men dien mach varen mit eenre gheladenre sc˚yte . In oirconde dezen brieue bezeghelt mit onzen zeghelen . ghegeuen vp den tienden dach in September . Int iare ons he_n . m ccc viue ende tneghentich , + .