Corpus Van Reenen-Mulder (CRM14): Oorkonde E109p39603

Wij . Dirc symons zoen Scoute . Jan ians zoen en_ heynric hoec dirxzoen Scepene In Amestelredam_e / . oirconden en_ kenne_ dat voir ons quam int gherechte / . Martijn godeuerts zoen / . ende sprac an mit rechte pieters dirx zoen en_ margrieten Jacob philips zoens dochter zinen wiue / . en_ dinghede dat hi hadde tmeerredeel van den huze ende erue ghelegen in die wintmolenstrate Dair bi gheerft zijn pieter dirx zoen an deene zide / en_ coppe pauwels zoen vptie ander zide / . van + der haluer strate streckende an tye / . Ende dat pieter en_ margriete zijn wijf voirs_ hadden tmynredeel / . wilc deel dat was een zestiendeel / ende een twie en_ dertichstendeel / . Dat hi dat hebben zoude te cope jof te h˚yre / tot tsgherechts zeggen van der stede voern_ Twilke wart ghewijst mit rechte en_ mit vonnisse dat hijt tots voir_ gherechts zeggen zoude hebben / . Dair t + voirs_ gherechte een zeggen of ghezeyt heeft / . In dezer manieren en_ voirwairde Dat dat ghehele oude h˚ys en_ erue / alzo alst was eert martijn voirn_ vertymmerde vri ghescat is en_ ghezet voir drie hondert viue en_ tzeventich g˚ede goudene hollantse scilde / n˚ laetste gheslegen . Jof payment dat also g˚et is . Dair tzestiendendeel en_ dat twie en_ dertichstendeel af beloepe_ / . viue en_ dertich hollantse scilde voirscr_ en_ zes penninge holl_s / . paym_ts den voirn_ scilt voir viertich hollantse grote gherekent / . Jofte van elke twintich penninge Jairlixe gheuen te rente enen penninc . na inhoudt der wilcoir / . totten eweliken pachte vries ghelts en_ zonder enich af~brec / . Aldair pieter voirs_ van zijns zelves wegen en_ alze monbair van margriete wegen zijns wijfs / . + Coes jairlixe totten eweliken pachte die renten van hoiren voirscr_ deele beloepe_ / . enen holl_ntsen scilt . drie quartiere van enen hollantsen scilt . twie penninge holl_s / en_ een luttel meer dan een oirt / . pay_ts ghelijc voirscr_ is / . vries ghelts en_ zonder enich af~brec / . Anders dan alleyne / zo wies pachte en_ renten / te~voiren staet vp hoire_ deele voirscr @ . / . Dat zal men van dezen voirscr_ renten Jairlixe weder af~c˚rten . Te betalene deze renten alle iare die ene helfte tot heyligemisse / en_ die ander helfte tot meye / . In oirconde deze_ brieue bezegelt mit onzen zegelen / . ghegeuen vpten vierden dach in meye / . Int iare ons he_n . duzent drie + hond_t zesse ende tnegentich . , .