Corpus Van Reenen-Mulder (CRM14): Oorkonde E109p39605

Wj . . dirc allert en_ Jan Jans soen Scepene in Aemstelredamme . orconden en_ kennen . dat voer ons quam jan ruussche haer jans soen en_ Ghaf eenen vrien eyghendoem vrouwetgin . fye . aliit . en_ wendelmoet . jan weyntgins soens kinder / die hi hadde bi lisebetten haer jans dochter zire zuster / van achte oude vrancriicsche scilde en_ eenen haluen . jaerlixse Renten / die staen opten haluen huse en_ erue / totten eeweliken pachte dat nannakiin claes soen nu~ter~tiit bewoent en_ gheleghen is . jn + die kercstrate / aldernaest jacob van + den barghe erue Jn allen sciin alse die pachtbrief jnhout . In deser manieren en_ voerwaerde . waer dat eenich van + den vier kinderen voers_ sturue / sonder wittaftighe gheboerte / soe soude dit voers_ goet voert~eruen op die ander kinder voers_ die te liue bleuen . voert soe gheliede . jan Ruussche voers_ . dat lisebet siin wiif . hier jeghens sel hebben . achte oude vrancriicsche scilde en_ eenen haluen jaerlixse Renten staende totten eeweliken pachte opten haluen huse en_ erue voers_ In orconde desen brieue beseghelt mit onsen seghelen . ghegheuen des donresdaghes / na ons_ vrowen dach assumpcio . jnt jaer ons he_n . mccc + . ses en_ tneghentig