Corpus Van Reenen-Mulder (CRM14): Oorkonde E109p39606

Wy dirc symons soen . Scoute . en_ Symon Ruussche . Scepene in Aemestelredamme orconden en_ kennen dat voer ons quam . Int gherechte . pieter smit claes soen en_ wan mit aften claghen en_ mit allen Rechte vervolghet / Alse Recht is op dirc Ryken soen . tien pont holl_s / an coemans ghelde die ghewiist worden te bitalen over viertien daghe . Voert soe wan . pieter smit voers_ mit Rechte dat him dirc Ryken soen voers_ borghe setten soude van eenen scepene~brieue / die hi op hem sprekende heeft en_ wart ghewiist mit Rechte soe waer die scoute dirc Ryken soen vonde . jof creghe / dat hi en aentasten soude en_ houden te_ tiit toe dat hi pieter smit borghe gheset hadde . Jn orconde desen brieue beseghelt mit onsen seghelen . Ghegheuen des vridaghes mit sinte pieters dach advincula Jnt jaer ons he_n . + m ccc + . ses en_ tneghentich .