Corpus Van Reenen-Mulder (CRM14): Oorkonde E109p39701

Wij . heynric van muden en_ herman dirx soen Scepene In amestelreda_me . oirconden en_ kenne_ . dat voir ons quam . leyze laurens mit Claes hoiren zoen hoiren monbair dair zij mit rechte ane quam . en_ scout quite mit hoirs monbairs hant voirs_ . vrouwetgin . fyen . aliden en_ wendelmoeden Ian weyntgins zoens kinde_ die hi hadde bi elyzabetten he_n Ians dochter . achte oude francrixe scilde en_ enen haluen . Iairlixer rente_ . Die staen vpten haluen huze en_ erue totten eweliken pachte dat nannentgin claes zoen nu~ter~tijt bewoent . en_ is gheleghen In die kercstrate alder~naist Iacobs van + den barghen erue . In allen scijn als die pachtbrief dair af inhoudt . Dair Ian R˚yssche he_n ians zoen . enen vrien eyghendoem af ghegeue_ hadde Den voirn_ kinde_n mit enen scepen_~brieue In allen scijne als die brief dair af inhoudt . behoudelic enen ygeliken zijns rechts . Voirt zo ghelouede leyze mit hairs monbairs hant voirscr_ Den voirs_ kindren . dat zij ons liefs he_n brief van holl_nt . die Ian r˚yssche vercreghen hadde van zijn guede te makene . te~voirscijn bringhen zal wanneer dats + die kind_e voirn_ te doen hebben . Ende vutscrifte van den voirgher˚rde_ pachtbrief zal gheue_ als zijs van dier kind_e wegen vermaent wort In oirconde dezen brieue bezegelt mit onzen zegelen ghegeuen vpten achte en_ twintichsten dach in Augusto . Int iare ons he_n . duzent drie + hondert zeuen en_ tneghentich . , .