Corpus Van Reenen-Mulder (CRM14): Oorkonde E109p39702

Wij . willem bod˚unre en_ herman dirx zoen Scepene In amestelreda_me . oirconden en_ kenne_ . dat voir ons qua_ . Jacob ians zoen van nyenueen . en_ gaf enen vrien eyghendoem . Jan / willem wouters zoen . van + der helfte van + den huze en_ erue ghelegen vptie kerczide bi + den b˚rchwalle vptie noirtzide van meyster willem willems zoens huzinge en_ erue . Twilke heynric otten zoen / eertijts jegens hem gheh˚yrt heeft / ghelik_wijs en_ In allen scijn als die pachtbrief dien hi jan willems zoen voirs_ / vp~droech en_ ouergaf dair af inhoudt . Ende ghelieder af vol en_ al betailt den lesten penninc mitten eersten / Voirt zo ghelouede hi / Den zeluen Jan willems zoen Die helfte van dien huze ende erue . In alre maten als voirscr_ is . vri te wairen Jair en_ dach als + men erue en_ eyghen is scoudich te wairen en_ alle oude brieue af te nemen / Voirt zo qua_ voir ons / jan willems zoen voirn_ en_ gaf enen vrien eyghendoem . aliden jan gherijts zoens wed˚we van alcmer / van + der zeluer helfte van dien huze en_ erue In allen scijn ghelijc dat mitter voirs_ ouerghifte en_ vpdrachte van + de_ pachtbrieue is voirscr_ . Ende ghelieder af vol en_ al betailt den lesten penninc mitten eersten . Ende hi ghelouedet hoir / voirt vri te wairen jair en_ dach jn + der zeluer maniere voirscr_ en_ alle oude brieue af te nemen . In oirconde dezen brieue bezegelt mit onzen zegelen . ghegeuen vp den tienden dach in decembrj . Int iare ons he_n . Duzent drie + hondert zeuen ende tneghentich . , .