Corpus Van Reenen-Mulder (CRM14): Oorkonde E109p39703

Wij / . Willem bod˚unre en_ herman dirxzoen Scepene In amestelredam_e / . + oirconden en_ kenne_ / . dat voir ons quam / . Pieter Jacob moyen + zoen / . en_ gaf enen vrien eyghendoem / . Jan deymans zoen / . van een derdendeel van + den huze en_ erue / gheleghen vptie kerczide bi + den b˚rchwalle / dat baernt iacobszoen / eertijts gheh˚yrt heeft jegens pieter claes zoen lubbrecht claes zoen en_ herman lubbrecht zoen . Totten eweliken pachte jairlixe ome ander + haluen ouden francrixen scilt / . In allen scijn als die pachtbrief inhoudt / dair hem pieter jacob moyen + zoen / zijn aendeel af vpdroech en_ ouergaf / . Ende ghelieder af vol en_ al betailt den lesten penninc mitten eersten / . Voirt zo ghelouede hi jan deymanszoen . tderdendeel van dien huze en_ erue jn alre maten als voirscr_ is / . vri te wairen jair en_ dach als + men erue en_ eyghen is scoudich te wairen / en_ alle oude brieue af te nemen / In oirconde dezen brieue bezegelt ? onzen zegelen / . ghegheuen vpten twalefsten dach in decembrj / . Int iare ons he_n . Duzent drie + hondert zeuen ende tneghentich . , .