Corpus Van Reenen-Mulder (CRM14): Oorkonde E109p39802

Wj . godert ians soen ende peter abbe . Scepene in aemstelredamme orconden ende kennen dat voir ons quam . Symon die zael adaems zoen ende gaf enen vrien eyghendoem in + der eeren gods den Canonissen Reguliers gheleghen binnen der nuwer grafte optie een zide ende der stede diicsloet optie ander zide in allen schiine alset ian die moer die molenaer eertiits ghepacht heeft jeghens adaem die zalen ende in allen schine als die scepene~brief daer of inhout welken scepen~brief voers_ symon vuerscreuen op~droech ende ouer~gaf den Canonissen voerscreuen voert gheliede symon vuers_ dat + het siin consente en_ wille is dat die Canonissen Reyguliers voers_ mit elyzebetten ian pilgrams soens dochter goede doen en_ laten moghen vercopen . v_huren . verzetten . verzellen ende wechgheuen moghen soe waert hem ghenoecht gheliker~wijs dat si mit horen anderen properen goede doen moghen Jn orconde desen brieue besegelt mit onsen zeghelen ghegheuen opten . anderen dach der maent in Julio int iaer ons hee_n . mccc + . achte ende tneghentich