Corpus Van Reenen-Mulder (CRM14): Oorkonde E109p39902

. Wj . vechter iacobs zoen en_ dirc jacobs zoen . Scepene in Aemstelreda_me Orconden en_ kennen dat voir ons quam . haer gharbrant ians zoen mit gharbrant jan pauwen zoen zinen momber daer hi mit Rechte ende mit vonisse an quam . Ende gaf mit ziins mombers hant voirs_ Symoen den zalen zinen oem . enen vrien eyghendoem van drie morghen lands . gheleghen ter ouder~aemstele in tymans zalen groete zaet En_ hi gheliede mit siins mombers hant van + den lande voers_ al betaelt den lesten pe_ninc mitten eersten . En_ hi ghelouede mit ziins mombers hant voers_ Symon voernoemt dit v˚erzeide lant vri te waren jaer en_ dach als + men erue ende eyghen is scoudich te waren In orconde desen brieue beseghelt mit onsen zeghelen ghegheuen opten achtienden dach der maent van augusto jnt jare ons hee_n m + . ccc + . neghen en_ tneghentich