Corpus Van Reenen-Mulder (CRM14): Oorkonde E109p40002

Wij pieter iacobszoen en_ Claes die zael iacobszoen / . Scepene in Aemstelredamme oirconde_ en_ kenne_ dat voir ons quam Dirc koebaerdemaker en_ gheliede scoudich te wezen jan ghersten enen haluen goeden goudene gwilhelmus~scilt n˚u laetste tdordrecht gheslegen iarlixer renten Die~wilke totten eweliken pachte . sullen staen vpten huse en_ erue ghelegen in sinte gheertrudenstrate . twisken dirx dieneghe iacobs zoen_ erue vptie ene zide . en_ Griete baernts erue vptie ande_ side . Te betalen dese renten alle iare vp onser vrouwen dach te lichtmisse En_ hi ghelou_ jan ghersten voirt . dat huys en_ erue vri te wesen van allen ouden brieuen . pachte en_ renten anders dan alsulken pachte als die stede voirs_ dair vp staende heeft . Voirt zo quam voir ons deze jan gherste en_ droech vp en_ gaf ouer tot enen vrien eyghendoem den ghemeynen priesters en_ ghesellen van den chore in + der kerken van + der stede voirs_ deze voirscreuen renten mit desen yeghenwoerdigen brieue alsulke testament en_ besprec als hem haer willem iacobs zoen den god wese ghenadich besproken en_ ghemaect . jn oirconde desen brieue besegelt mit onsen zegelen . ? + ? ? ? ? dach in octobri jnt iare ons he_n Dusent en_ vier + hondert .