Corpus Van Reenen-Mulder (CRM14): Oorkonde E111p38901

Alle die~ghene die desen brief zellen zien iof horen lesen doen wi peter ians zoen en_ symon lammerts zoen scepene jn dyemen verstaen dat voer ons quamen jnt gherecht . jan claes zoen . lammert claes heren zoens zoen Gherit claes zoen . ian claes zoen en_ iacop ghiisbrechts zoen en_ tugheden voer ons dat hem dat was cont en_ kenliic dat claes wendelmoden zoen daer god die ziele of hebben moet al alsullic lant als hi hadde legghende buterkerc daer hi op wonende was dat hi dat vercoft hadde twee iaer wel te~voeren eer dat hi cofte die ander + halue morghen lants jn ian hartghers . sate als weder jan claes zoen om~dat dit waer is so hebben wi scepene voerscr_ desen brief bizeghelt mit onsen zeghelen Int iaer ons he_n dusent drie + hondert neghen en_ tachtich des donredaghis na sinte mathiis dach