Corpus Van Reenen-Mulder (CRM14): Oorkonde E118p39001

Wj . willem wouter en_ claes dircheynen soen scepene in + der nyeraemstel orconden en_ kennen dat v˚er ons quam ghert jacop jans soens soen en_ gheliede scoudich te wesen Claes hermans soen tvie oude vrancriicsche scilde goet van goude en_ zvaer van ghewichte of peyment dat alsoe goet js jaerlixe renten die staen zullen tot eenen eeweliken pachte op drie acker lands daer ghert v˚ers_ nv ter + tiit op woent en_ gheleghen siin onderdeel jn siinre zaete bouen der weteringhe tvisschen claes lichtenberchs lande op die een zide en_ godeuaert zvitters soens erue op die ander zide te bitalen alle jaere op alre goeds heylighen dach en_ dede hi des niet soe waeren dese drie acker lands v˚erscreue_ claese v˚erseyt verstaen zinen vryen wille mede te doene gheliken zinen vry eyghen goede / en_ vyt desen v˚erscr_ lande soe en sel ghert v˚ernoemt niet meer turfs greuen dan jaerlix siin borninghe noch niet meer zoeden mittien dat hi ghegreuen heeft dan tvie made lands en_ hier waeren an en_ ouer die lende en_ die zeue_ van + den lande alse godeuaert zvitters soen pieter all_t wedighe symons soen voppe godeu_ts soen . heyne gherlofs soen pieter truden soen en_ jan tydeman nellen soens soen / en_ dese grefte v˚erscreue_ beyde van turve en_ van zoeden sel wesen vter heelre zaete onderdeelt / en_ alle dese v˚erscreuen v˚erwerden gheloefde gh_ v˚ers_ vast en_ staede te houden en_ te voldoen v˚er him en_ v˚er siin nacomelinghen sonder eenich weder~segghen In orconde desen brieue beseghelt mit onsen seghelen ghegheuen op sinte barthelome_ dach jnt jaer ons he_n . mccc en_ tneghentich .